Monday, 7 August 2017

റിമിടോമിയെ പൊക്കിയെടുത്ത ഷാരൂഖ് ഖാനെ പൊക്കിയെടുത്ത് നമ്മുടെ മലയാളി പയ്യന്‍; വീഡിയോ വൈറലാകുന്നു.


കടന്നു ചെല്ലുന്ന വേദികളിലും പരിപാടികളിലെല്ലാം താരമായിട്ടുള്ള പതിവേ ഇന്നേവരെ ഷാരൂഖ് ഖാന്‍ എന്ന താരത്തിനുള്ളൂ. എന്നാല്‍ അടുത്തിടെ ഒരു പ്രശസ്തമായ റിയാലിറ്റി ഷോയുടെ വേദിയില്‍ എത്തിയപ്പോള്‍ താരമായത് ഷാരുഖ് മാത്രമായിരുന്നില്ല ഒരു മലയാളി ഗായകനും കൂടിയായിരുന്നു. വൈഷ്ണവ് ഗിരീഷ്. പാട്ടു പാടി പ്രേക്ഷകരേയും ഷാരൂഖിനേയും അതിശയിപ്പിക്കുക മാത്രമല്ല, ഒരുപാട് നായികമാരെ എടുത്തുയര്‍ത്തി ആടിപ്പാടിയ നടനെ ഈ പതിനഞ്ചുകാരന്‍ വളരെ കൂളായി എടുത്തുയര്‍ത്തുകയായിരുന്നു. മുണ്ടും മടക്കിക്കുത്തി വൈഷ്ണവ് ഷാരൂഖിനെ എടുത്തുയര്‍ന്ന ചിത്രം പോലെ തന്നെ വൈറലായി വിഡിയോയും. ഷാരൂഖ് ഖാന്റെ റയീസിലെ സാലിമ എന്ന ഗാനമാണ് വൈഷ്ണവ് വേദിയില്‍ പാടിയത്. ജാം 8ന്റെ സംഗീതത്തിലുള്ള പാട്ട് എഴുതിയത് അമിതാഭ് ഭട്ടാചാര്യയാണ്. പാടിയത് അരിജിത് സിങും ഹര്‍ദീപ് കൗറും ചേര്‍ന്നായിരുന്നു.
പതിനഞ്ച് വയസുകാരനായ ഈ പ്രതിഭ തൃശൂരിലെ കൊടുങ്ങല്ലൂര്‍ സ്വദേശിയാണ്. അച്ഛന്‍ ഗിരീഷ് കാനറാ ബാങ്കില്‍ ജോലി ചെയ്യുന്നു. അമ്മ മിനി അഭിഭാഷകയും. ആറാം വയസു മുതല്‍ക്കേ സംഗീതം ശാസ്ത്രീയമായി അഭ്യസിച്ചു തുടങ്ങിയ വൈഷ്ണവ് ഇതുപോലെ മറ്റൊരു പ്രശസ്തമായ റിയാലിറ്റി ഷോയിലും ജേതാവായിരുന്നു. ശ്രേയ ഘോഷാലിനെ പോലുള്ള ഗായികമാരെ പ്രശസ്തരാക്കിയ സരിഗമപ എന്ന റിയാലിറ്റി ഷോയിലാണ് ഇപ്പോള്‍ വൈഷ്ണവ് പാടുന്നത്. ഗിരീഷിന്റെ ഒരു പാട്ടിന്റെ വിഡിയോയ്ക്ക് രണ്ടു ദിവസം കൊണ്ട് 13 ലക്ഷം പ്രേക്ഷകരെയാണ് ഫെയ്‌സ്ബുക്കില്‍ മാത്രം നേടാനായത്. കണ്ണൂരില്‍ നടന്ന സംസ്ഥാന സിബിഎസ്ഇ കലോത്സവത്തില്‍ ലളിത ഗാനത്തില്‍ ഒന്നാം സ്ഥാനം നേടിയിരുന്നു വൈഷ്ണവ്. 2013,2014 വര്‍ഷങ്ങളില്‍ കലാപ്രതിഭ പുരസ്‌കാരവും നേടിയിരുന്നു ഈ മിടുക്കന്‍.

No comments:

Post a Comment