Friday, 11 August 2017

അധാറുമായി സിം കാര്‍ഡ് ബന്ധിപ്പിക്കുമ്പോള്‍ സൂക്ഷിക്കുക..!!


സുപ്രീം കോടതിയുടെ വിധി പ്രകാരം ഓരോരുതവരും തങ്ങളുടെ സിം കാര്‍ഡുകള്‍ അധാറുമായി ബന്ധിപ്പിക്കുന്ന പ്രക്രിയ നടന്നുവരികയാണ്. ഇതിനു പലരും കരുതുന്ന പോലെ അധാറിന്റെ ഫോട്ടോസ്റ്റാറ്റ് കൊടുക്കേണ്ടതില്ല. നമ്മുടെ അധാറിന്റെ നമ്പര്‍ മാത്രം നല്‍കിയാല്‍ മതിയാകും. അവസാനം നമ്മുടെ വിരല്‍ സ്കാന്‍ ചെയ്തു കഴിയുന്നതോടെ നടപടികള്‍ എല്ലാം പൂര്‍ത്തിയാകും. പക്ഷെ ഇതിനായി നമ്മള്‍ ഒരോരുത്തവരും  നേരിട്ട് ചെല്ലേണ്ടതുണ്ട്.

ഈ അവസ്ഥ പരമാവതി ചൂക്ഷണം ചെയ്യാന്‍ ഒരുകൂട്ടം ആളുകള്‍ രംഗത്തിറങ്ങിയിട്ടുണ്ട്. സ്കൂളുകൾ, കോളേജുകൾ, ബസ് സ്റ്റാൻഡുകൾ എന്നിവയുടെ പരിസരത്ത് നമുക്ക് യാതൊരു പരിചയവും ഇല്ലാത്ത ആളുകൾ സിം വെരിഫിക്കേഷൻ എന്ന പേരിൽ ഒരു കുടയും രണ്ട് കസേരയുമിട്ട് ഇരിക്കുന്നുണ്ട്. ഒരു പരിചയവുമില്ലാത്ത ഇത്തരക്കാർക്ക് നമ്മുടെ വിരലടയാളം ഉൾപ്പെടെയുള്ള ഈ വിലപ്പെട്ട രേഖകൾ ഒരു കാരണവശാലും കൈമാറരുത്. പ്രത്യേകിച്ച് പെൺകുട്ടികളും സ്ത്രീകളും. പ്രൈവറ്റ് നെറ്റ് വർക്കുകളായ ഐഡിയ, വോഡഫോൺ, എയർടെൽ തുടങ്ങിയ മൊബൈൽ കണക്ഷനുകൾ ആധാറുമായി ബന്ധിപ്പിക്കുന്നതിന് നമ്മുടെ നാട്ടിൽ നമുക്ക് പരിചയമുള്ള ധാരാളം മൊബൈൽ ഷോപ്പുകൾ ഉണ്ട്. വർഷങ്ങളായി നമുക്ക് പരിചയമുള്ളവരാണ് അവർ. ഇതിന്മേലുണ്ടാകുന്ന ഏതൊരു പരാതിയും നമുക്ക് അവരുമായി പങ്കുവെക്കാം. അതിനാൽ നമ്മുടെ വിലപ്പെട്ട രേഖകൾ സാമൂഹ്യ വിരുദ്ധരുടെ കയ്യിൽ എത്താതിരിക്കാൻ വേണ്ടി നമുക്ക് പരിചയമുള്ള കടകളിൽ നിന്ന് മാത്രം ആധാർ ലിങ്ക് ചെയ്യുക.


ജിയോ സിം എടുക്കുമ്പോൾ തന്നെ ആധാർ നമ്പർ കൊടുത്തിട്ടുള്ളതിനാൽ ജിയോ വരിക്കാർക്ക് പ്രത്യേകിച്ച് ഒന്നും ചെയ്യേണ്ട ആവശ്യമില്ല. BSNL ൽ അന്വേഷിച്ചപ്പോൾ, ഇപ്പോൾ ഒന്നും ചെയ്യേണ്ടതില്ല. സമയമാകുമ്പോൾ ഓഫീസിൽ നിന്ന് നിങ്ങളുടെ ഫോണിലേക്ക് കോളോ മെസ്സേജോ ഏതെങ്കിലുമൊന്ന് വരും. അപ്പോൾ മാത്രമേ എന്തെങ്കിലും ചെയ്യേണ്ട ആവശ്യമുള്ളൂ എന്നാണ് അറിയാൻ കഴിഞ്ഞത്.
ഇനി എന്തെങ്കിലും കാരണവശാൽ ഇപ്പോൾ ഉപയോഗിക്കുന്ന സിം കട്ടായാലും പുതിയ ഒരു സിം എടുക്കുക എന്നത് സാധാരണക്കാർക്ക് പൂ പറിക്കുന്ന പോലെ എളുപ്പമായ കാര്യമാണ്. പക്ഷേ അനധികൃതമായി നമ്മുടെ വ്യക്തിപരമായ വിവരങ്ങൾ ചോർത്താൻ ശ്രമിക്കുന്നവരുടെ പ്രലോഭനത്തിൽ വീണു പോയാൽ പിന്നീട് വലിയ വില കൊടുക്കേണ്ടി വരും.

നിങ്ങളുടെ സുഹൃത്തുക്കള്‍ ചതിയില്‍ പെടാതിരിക്കാന്‍ പരമാവതി ഷെയര്‍ ചെയ്ത് പ്രചരിപ്പിക്കുക

No comments:

Post a Comment