Wednesday, 2 August 2017

‘ആയിരം ലൈക്കുകയറിയാന്‍ ഞാന്‍ നിന്റേതെന്ന്’ പെണ്‍കുട്ടി; ഫെയ്‌സ്ബുക്കില്‍ ‘അഡാറ്’ ഐഡിയ പ്രയോഗിച്ച യുവാവിന് ലൈക്കുകളുടെ ബഹളം

മൂന്ന് വര്‍ഷം പുറകെ നടന്നിട്ടും താന്‍ ഏറെ ഇഷ്ടപ്പെടുന്ന പെണ്‍കുട്ടിയുടെ ഭാഗത്തു നിന്നും അനുകൂലമായ ഒരു നടപടിയും ഉണ്ടായില്ല. അതോടെയാണ് ജിഷ്ണു എന്ന ചെറുപ്പക്കാന്‍ ഫെയ്‌സ്ബുക്കില്‍ ഇന്നേ വരെ ആരും പ്രയോഗിക്കാത്ത ഐഡിയ ഒന്നു പയറ്റിനോക്കാന്‍ തുനിഞ്ഞത്. ഇരുവരും തമ്മിലുള്ള ചാറ്റ് ഫെയ്‌സ്ബുക്കില്‍ പോസ്റ്റ് ചെയ്ത്, അതിന് ആയിരം ലൈക്ക് ലഭിച്ചാല്‍ തന്നോട് ഇഷ്ടമെന്ന് പറയുമോ എന്നായിരുന്നു ജിഷ്ണു പെണ്‍കുട്ടിയോട് ചോദിച്ചത്. ആയിരം ലൈക്ക് ലഭിച്ചാല്‍ ഞാന്‍ നിന്റേതെന്ന് പെണ്‍കുട്ടി മറുപടി നല്‍കുകയും ചെയ്തു. ചാറ്റിന്റെ സ്ത്രീന്‍ ഷോട്ട് ഉള്‍പ്പെടെ ജിഷ്ണു ഫെയ്‌സ്ബുക്കില്‍ പോസ്റ്റു ചെയ്തു. കിട്ടിയതാകട്ടെ ഏഴായിരത്തിലധികം ലൈക്ക്. ഇതോടെ പെണ്‍കുട്ടി തിരികെ ജിഷ്ണുവിനോട് ഇഷ്ടമാണെന്ന് പറയുകയും ചെയ്തു.

ജൂലൈ 31 നാണ് ജിഷ്ണു പെണ്‍കുട്ടിയുമായുള്ള വാട്‌സ്ആപ്പ് ചാറ്റിന്റെ സ്‌ക്രീന്‍ ഷോട്ട് ഫെയ്‌സ്ബുക്കില്‍ പോസ്റ്റു ചെയ്തത്. അതിന് നല്‍കിയ ക്യാപ്ഷന്‍ ഇങ്ങനെ, ‘ ഫ്രണ്ട്‌സ് മൂന്ന് വര്‍ഷമായി സ്‌നേഹിക്കുന്നതാണ്. ഇതുവരെ എന്നാട് അവള്‍ പ്രപ്പോസ് ചെയ്തിട്ടില്ല. ഒരു പക്ഷേ നിങ്ങള്‍ സഹായിച്ചാല്‍ എന്നെ അവള്‍ പ്രപ്പോസ് ചെയ്യും. എനിക്ക് ജീവനാണ്. അവളില്ലാതെ എനിക്ക് പറ്റില്ല. ഒന്ന് സപ്പോര്‍ട്ട് ചെയ്ത് സഹായിക്കുമോ…പ്ലീസ്’. പോസ്റ്റു ചെയ്തതിന് പിന്നാലെ ജിഷ്ണുവിന് പിന്തുണയുമായി നിരവധിയാളുകളെത്തി. പിന്തുണ മാത്രമെന്നും പറയാന്‍ പറ്റില്ല. ഒരു വിഭാഗം ആളുകള്‍ അതിനെ എതിര്‍ത്തു. ‘ആയിരം ലൈക്കുകിട്ടിയാല്‍ മാത്രം തോന്നേണ്ടതാണോ’ സ്‌നേഹം എന്ന് ചോദിച്ചവരുണ്ട്. എന്തായാലും ജിഷ്ണു ഹാപ്പിയാണ്. ആയിരം ലൈക്ക് കയറിയതോടെ ജിഷ്ണു സ്‌നേഹിക്കുന്ന പെണ്‍കുട്ടി അനുകൂലമായി പ്രതികരിച്ചു. മനസില്‍ ഒതുക്കിവെച്ചിരുന്ന സ്‌നേഹം അവള്‍ തുറന്നുപറഞ്ഞു.

No comments:

Post a Comment