Friday, 28 July 2017

രണ്ടാം വയസിൽ ‘അമ്മ മരിച്ചു , ഓട്ടോ ഡ്രൈവറായി അമ്മാവനൊപ്പം പിന്നീട് ജീവിതം – ഹരീഷ് കണാരൻ പറയുന്നു

'ഹരീഷ് പെരുമന്ന' ഈ പേരുകേട്ടാൽ തിരിച്ചറിയാത്തവർ വരെ 'ഹരീഷ് കണാരൻ' എന്നു കേൾക്കുമ്പോൾ ആളെ തിരിച്ചറിയും. ഹരീഷിന്റെ ജാലിൻ കണാരൻ എന്ന കഥാപാത്രം അത്രമേൽ നമ്മുടെ ഉള്ളിൽ പതിഞ്ഞതാണ്. കോഴിക്കോടൻ ഭാഷയും നിഷ്കളങ്കമായ നർമ്മവുംകൊണ്ട് നമ്മളെ ചിരിപ്പിക്കുന്ന ഹരീഷിന്റെ ഇതുവരെയുള്ള ജീവിതം അത്ര സുഖകരമായുരുന്നില്ല. ഹരീഷിന്റെ രണ്ടാമത്തെ വയസിലാണ് അദ്ദേഹത്തിന്റെ അമ്മ മരിക്കുന്നത്. തുടർന്ന് ഒരു വർഷത്തിന് ശേഷം അച്ഛൻ മറ്റൊരു വിവാഹം കഴിച്ചു. ഈ രണ്ടു വർഷം മാത്രമേ അച്ഛനോടൊപ്പം ഹരീഷ് തമാസിച്ചിട്ടുള്ളൂ. പിന്നീട് അമ്മാവന്റെ വീട്ടിൽ ആയിരുന്നു താമസം. പത്താംക്ലാസ് തോറ്റത്തോടെ ഓട്ടോ ഓടിക്കാൻ തുടങ്ങി. ഈ സമയം ഹരീഷ് മിമിക്രി വേദികളിൽ സജീവമായി.

ഹരീഷിന്റെ വാക്കുകളിലേക്ക് "ഞാൻ ഈ ക്ലബ്ബുകളിൽ ഒക്കെ കൊച്ചു കൊച്ചു മിമിക്രി പരിപാടികൾക്ക് പോകുമായിരുന്നു. എന്നാൽ എന്നെ അങ്ങനെ വിടാൻ ബന്ധുക്കൾ ഒരുക്കമല്ലാരുന്നു. അങ്ങനെ പത്താം ക്ലാസ് ട്യൂഷനു പോയി തുടങ്ങി. അവിടെവച്ചാണ് ഞാൻ സന്ധ്യയെ കാണുന്നത്. ഞങ്ങൾ പതിയെ അവിടെവച്ചു പ്രണയത്തിലായി. നീണ്ട പത്തുവർഷത്തെ പ്രണയത്തിനു ശേഷമാണ് ഞങ്ങൾ വിവാഹം കഴിച്ചത്. പിന്നെയും ഞാൻ മിമിക്രി വേദികളിൽ സജീവമായി. എന്നാൽ ഞങ്ങളുടെ ബന്ധുക്കൾ എന്നോട് വേറെ ജോലിക്കു ശ്രമിക്കാൻ പറയുമായിരുന്നു. അങ്ങനെയാണ് കോമഡി ഫെസ്റ്റിവലിൽ എത്തിയത്. ഞങ്ങളുടെ സ്വന്തം ടീമുമായാണ് എത്തിയത്. അവിടെ ജാലിൽ കണാരൻ ചെയ്തതോടെ തലവര തെളിഞ്ഞു. സിനിമയിൽ ആദ്യവേഷം നൽകിയത് അക്കു അക്ബർ ആണ്. ഉത്സാഹ കമ്മിറ്റി ആയിരുന്നു ചിത്രം. ചിത്രത്തിൽ ജാലിൻ കണാരൻ ആയിട്ടുതന്നെയാണ് അഭിനയിച്ചത്. എന്നാൽ ആ സിനിമ അത്ര വിജയമായില്ല. എന്നാൽ അതിനു ശേഷം ചെയ്ത സപ്തമശ്രീ തസ്കരാ വൻ വിജയമായി". വിധി ചിലപ്പോൾ അങ്ങനെയാണ് ഒരുപാട് വിഷമങ്ങൾ അനുഭവിച്ചിട്ടുള്ളവരെ ആയിരിക്കും മറ്റുള്ളവരെ ചിരിപ്പിക്കാൻ തിരഞ്ഞെടുക്കുക.

No comments:

Post a Comment